بسم الله الرحمن الرحيم
اخوانى ابناء عمي
احبب ان اكون اول من ينقل اقوي ثلاث قصائد نخوه بشمر وهي
بين الشاعره الكبيره علياء الحريري الاسلمي الشمرى
والشاعره الكبيره الشمرية المجهوله
والشاعره الشيخه جوزه بنت المحمود الزوبعي
فنجد بان الشاعرتين الاولي والثانيه يتنخن بشمر لتصويت لشاعره الاولي
ونجد الزوبعيه الاميره تنخي شمر لتحرير العراق وارجاع الماضي
الاولي قصيده الشاعره علياء الحريري الاسلميى
ياهاجسي صـدر جزيـلات الاشعـار=وابدى بذكر اللي على المجـد سـارا
شمر هل الطـولات طيبيـن الاذكـا=راللـي لهـم بالطيـب حـظ وصـدارا
ذكرتهم يوم(ن) غـدا الفكـر محتـار=ونصيتهـم يـوم الزمـان اسـتـدارا
وين الطنايا وينهـم نسـل الاحـرا=روين الرجال اللي لهـا الطعـن كـارا
نخيت صبحـي ويـن طلابـة الثـار=اللـي لهـم بيـرق الـعـز شــارا
اللي لهم في صفحـة المجـد تذكـار=صبحي ثقـال الـروس ماهـم نكـارا
وانخا بها الهيشـان وافيـن الأشبـار=اللي لهـم بالكـون عـزم وسطـاره
وطني نهار الكون ماسـاق الاعـذار=مزبـان ربعـه كنـه ريــس وزاره
وصايح ذراكـل مجـد شبابـة النـار=اكعـام وجـه المتـدي وعـز جـاره
وانخي عيال العود يوم الفشـق ثـار=لطامـة الكـايـد طــوال العـمـارا
وزبع وعبدها خصها صغـار وكبـا=رواسلم هـل الحيسـا رجـال ٍ غيـارا
ولا ,, الخرصة لامن رحى المعركة ثا=رتطيـر روس القـوم يمنـى ويسـارا
وسنجاره الجدعا جرى طيبهـا انهـار=وفداغـه البلهـا تـواقـد شــراره
واعجيـل حـلال الصعيبـات بافكـار=عـوارف ٍ للـحـق ورث ومـهـارا
والعامود والثابت كمـا وابـل امطـار=عـدوهـم ذاق المـذلـه بـمـراره
خصيتهم بالمدح ,, وكل ٍ بهـا اخيـار=وذكرتهـم بالطيـب عـز وفـخـارا
من يم ربيعة مغرب ٍصـوب سنجـا=رللموصـل الحدبـاء تـوارد اخبـاره
ومـن الجزيـره للرمـادي للانـبـار=لـ,, بعاج والبيجي كما الشمس نـاره
هم في ظـلام الليـل نجـوم ٍ واقمـا=رللعـز هيـبـه وللمفـاخـر مـنـاره
تبشـري جـوك السناعيـس ثـوار=تبشـري جـوك الطنـايـا تـبـارا
دام الطنايا مقرنسه بـروس الاكـوار=ماهزنـي جـور الزمـن وانكسـاره
تشيلهـا لوهـي ثقيـلات واكـبـار=اليـا رتكـوا لحمولـهـا بـجـداره
قلته : وانا بنـت الدليلـي عـم نـار=ماثنـي الكلمـه واعـيـد العـبـاره
والله ماعود عنهـا لوصـار ماصـار=ماهمنـي مـد البـحـر وانحـسـاره
المـوج قدامـي ولاعادبـه اعــذار=والمـوت خلفـي ومااهابـه جسـاره
والله لاشد حزامـي وافـج الأغـوار=دامـي قويـة بـاس اصـل قـراره
وين الطنايـا ويـن فزعـة الاحـرار=في غيرهم شعـري بـوار وخسـاره
نخيتهـم والحـر ان وكـر وطــار=حـر ٍ ولالـه غيـر عالـي مــداره
تمت وصلوا ع النبـي خيـر مختـار=ياسامعيـن الصـوت ابـدوا قـراره
الثانيه قصيده الشاعره الشمريه المجهوله
ياهاجسي ابـدع جزيـلات الاشعـار=سطر معانـي مـن ظميـري مسـاره
لـ,, عيون من تنخا العنيـة الاخيـار=بنت الحريري مـن سلايـل حـرارا
يامرحبـا واعـداد ماهلـت امـطـار=مـن المـزون المرهفـات بـغـزاره
صوت ٍ لفانا مـن شخانيـب سنجـار=لبيـه ياخشـف ٍ يـقـود الـعـذارا
عزي الطنايـا ع المهمـات حضـار=للشيمـه سـاس والحميـا شـعـاره
يمشون في دروب المنايـا والاخطـار=من السطـر يطنـون مثـل السكـارا
زهيـد ماهابـوا صعيبـات الاقــدار=عند الكرامـه تبيـع غالـي عمـارا
عاداتنـا يـوم اللقـا ناخـذ الـثـار=بظهـور صنـع معربات(ن)مـهـارا
شمر صروح المجد ماضيـن الاخبـار=بهداتهـم تشبـع نسـور المـعـاره
ربعـي طنايـا للـوفـا دوم تـذكـار=وبوابـة التاريـخ لـهـم سـفـاره
ومثل الربيع الزيـن يكونـون للجـار=وعلى العـدو اعصـار يدمـر دمـارا
غلبا خيار القـوم صلبيـن الاشـوار=اللي بنوا فـي وسـط حايـل امـاره
وجاك الخبر عبر الرسائل بـ,, الاقما=رشمر ابعـاد الصيـت ابـدت قـراره
تبشـري بالفـوز يانسـل الاخـيـار=وراس ٍ اذا مافيـه شيمـه خـسـاره
وصـلاة ربـي عـد ماتلـفـي زوار=على النبـي واعـداد ليلـه ونهـاره
وهذا رد الشاعره الشيخه الزوبعيه
يا هاجسي ورد على كايـد النـار=وسطر معانى من ظلوعـي تبـارا
ورد على اللي منزله حول سنجـار=بنت الحريرى خابطن فـي غبـارا
واليا قضيتـه ورده حـول معبـار=وردة علي الي مسكنة حـول دارا
الذيب يسرى تالي الليـل محتـار=يجرى وقنيبه داهرن فـوق غـارا
وهلت دموعي بساعتن مابها جـار=يـوم الطنايـا حافظيـن الجـوارا
وتفازعت شمر على قب الامهـار=يوم العدو واضح بالليلـه ونهـارا
وتفازعت شمر علـى رده الغـار=حربن ضروسة ماعرفنـا مسـارا
عفيه بني عمي على الموت حظار=زهيد يـا شمـر نهـارا الجسـارا
ضاري على ضرب الماعدين مغوار=ذبـاح اللجمـن عادتـن لسكـارا
شمر على صـد المعاديـن خطـار=وصيهون ندعس بالجواتي قـرارا
لا بالله هانت ضربتن فوق الاكوار=الطوب اقوى كلمتـن لـه شـرارا
يا خوان فلوه قومو اليـوم ثـوار=لعيون فلـوه فزعتـن لا الحـرارا
يا خوان نوره قومو اليـوم ثـوار=لعيـون نـورة قايـده للـعـذارا
يا خوان صلفه قومو اليـوم ثـوار=لعيـون صلفـه جايبنـه غـيـارا
وجاني خبر عبر الرسايل والاخبار=شمـر تعاركهـم صغـارا وكبـارا
صدو بني عمى وافيـن الاشبـار=اخـوان جـوزا بالملاقـا ضـوارا
والخاتمه صلو علي سيد الانـوار=نـور الهدايـه ضوتـن للمنـارا
وبنظرى المتواضع ثلاثتهم قويات وصح الله السنتهن اخوات الرجال
وشكرا
الأحد 27 نوفمبر 2011, 03:27
