قصيدة عن فخذ عبدة الشمرية

قـــال الــــــذي يــــا راد قافًً قويــلــــه
يختار في شعره جميل العبـــــــــارات

ما يقــــول شيء كــــود يملك دليـــلــه
وعنده على قوله براهين واثبـــــــــات

يذكر كلام الحق مـــن غيـــــر ميــلــه
ما هو من اللي يتبعون المزاجــــــــات

ومـــــن بعد ذلك نبتــــدي بتحليــــلـــه
في وصف كبار البخوت الشهيــــرات

عبـده لهـــم بالمجـــد باعــــاً طويلــــه
تطول يدهم في نهار المثــــــــــــارات

عاداتهم بالكــــون صيد الجزيـــــلــــة
يا ما رموا من فارس بالملاقــــــــــات

مبيريك وش هو قال من ضمن قيـلــــه
في قولته والا السناعيـــس الآفـــــــات

عبده إلى ركبوا مــن فــوق خيـــــلــــه
يوم العصور الماضية والقـوامـــــــات

من جالهم ما عاد يــــــم الحليــــــلــــه
وإذا سلم يصيب عقلــه غيــــــــــــارات

مــــا قلتــــها تطفـــــــــلا أو دغيلـــــه
مالي وراء ذلك مقاصد وغــايـــــــــات

ذكرتهم مـــــــن شان تعــريف جيلــــه
ورداً على مضمون بعض الســـؤالات

عبــــده ثلاثة جمـــــــوع كله ثقيلــــــه
يحيا وربيعة وجمع الدغيـــــــــــــرات

اســـم ربيعـــة شامــل بالكميــــــــلــــه
ستة فخوذاً بالعــــــــدد والحسابــــــات

والجد واحد كلهــــــم مـــــن سليلــــــه
مــــن بينهم ما يقبلــــون الحـــــزازات

عفريت مـع مــــــردان راع النفيلـــــه
وجدي ومحيسن والزقاريط الصبيحات

ويتمان بالقـــالات فيــهم خصيلـــــــــه
شجعان ما يرضون درب المهانـــــات

ويحيا سبع أفخـــوذ ما هـــي قليلـــــــه
غوش اليمين يا صار بالجو كتمـــــات

مقدمهم الفضــــلان وأيضاً فضيــلــــه
والجرى واخوان سعدا الجنيــــــــدات

وسليط والهامــل وفخــــذ الشميلـــــــه
أهل كار وينطحون المهمـــــــــــــــات

وأولاد علي كــــان ولــــــع فتيـــلـــــه
تشهد لهم ظفرا وغيره كثيـــــــــــرات

عليان وتريبان ما بــــــه خميلــــــــــه
وحسين وشريهه ونعم القرابـــــــــــات

واخوان سلمى كـــان صارت دبيلـــــه
يثنون خلف القوم يا صار غـــــــارات

هذه هــــــــي فخوذ عبــــده كميـلــــــه
ما فيه نقص ولا هنالك زيـــــــــــادات

وزوبع نهار الكـــــون تشفي غليلـــــه
لهــم على العــــدوان رده وكـــــــــرات

وفعايـــــــل الأسلــــــــم فيها نبيلــــــه
أهل الحمية والكرم والشهامـــــــــات

وفخوذ شمر مــــا نطيــــق تعزيلــــــه
من كثرها ولا أملك عنها بيانـــــــات

لاشك عنـــــــدي كلمه بالحصيـلــــــه
ما فيه فرق وكل أبونا قرابــــــــــات

والطيب شمــر كلها تستــــوي لـــــــه
متقاسمين طيبهم بالمســـــــــــــاوات

من راس سنجار لخشم الــرعيلـــــــه
ومن حد تركيا لحد الســــــــــراوات

هذه ديرهم من قدائم نـــــــزيلــــــــــه
من دور شداد ودور الهــــــــــلالات

يا ما حموها بالسيــوف الصقيـــلـــــه
من غربي الخبراء لشرق القريــــات

ويا ما خذوا باطرافها مـــن قبيــــلـــه
وحازوا في الماضي كبار البطولات

وقايــــــع كبـــــرى كلـــــه مهيلــــــه
ما يقربونه مدعين الذهنــــــــــــــات

والطيب ما هو بكيف من يدعي لـــــه
يبقى من الواقع صك وشهـــــــادات



منقولة القصيدة من موقع شمر الرسمي للشاعر

نهــــار بن هيشان الوبيــــــر الشمري