بدوي وأفتخر

أنا بدوي وأفتخر

يابنت أنا للشمس في جلدي حروق

وعلى سموم القيض تزهر حياتي

أطرد سراب اللال في مرتع النوق

ومن الظما يجرح لساني لهاتي

عاري جسد والليل هتان وبروق

دفاي أنا والبرد سمل العباتي

إن عذربوني بعض خلانك.. صدوق

يابنت أنا عشق الخلا من صفاتي

وشم على رمال (المتاييه) مدقوق

لا شك من منهم يسوي سواتي

أنا بدوي .. ثوبي على المتن مشقوق

ومثل الجبال السمر صبر ثباتي

ومثل النخيل خلقت أنا وهامتي فوق

ماأعتدت احني قامتي إلا فصلاتي

ولي افتخر بأفعال يمناه مخلوق

يابنت أنا فعلي شهوده عداتي

الله خلقني وكلمة الحق بوفوق

وملكت الأرض .. وراس مالي عصاتي

منقول للشاعر الأمير بدر عبد المحسن بن عبد العزيز

[right]
طبع البداوه عشقي وميّته فيه

وكلّي فخر لاقالوا إنّـي بـدويّـه

إيه ابدويّه آخذ الخيـر وأعطيـه
وأبادل المعطي جزيـــل العطيّـه

إيه ابدويه وأزرع الطيب وأجنيه
الطيب زرعي ما زرعت الرديّــــه

إيه ابدويّـه لـو تزيـد المشاريه
ببقى على عهـد البـداوه وفيّّــه

ماني من اللي أثبت العكس وأنفيه
وبيني وبين العيب حوض المنـــــيّـه

كرامتــي نـجم سطـع فـي لياليـه
ولاذلّني مخلوق ما دمـت حيّــــــــه

لنفسي عليّه ديـــن لاشـك أبوفيـه
ولا دفعت لمقتـــــل الخـوف ديّـــه

وأقول للي جهل الأيـــام معميــه
مولوده ، وعشت ، وبـموت ابدويّـه

ونـــــــــــــــــــــا

أنا ترا بنت الرجال المناعير
من خلقتي ماجيت درب المعيبه

أبوي وصاني على العز والخير
مهرة أصيله والطهر له نصيبه

رعبوبة لا أقبلت مثل التباشير
ولاأقفيت شيهانة براس الرقيبه

منقول

وسلامة الجميع

ابو صالح اختيار موفق ونقل رائع

الله على الكلام الطيب

والشكر موصول لصحراء شمر على الاضافه الرائعه

يازين لمتكم

تقبلوا مروري