قصيدة مدح للبوليل

السلام عليكم

بديت باسم اللي يسوق السحايب
المعتلي الباقي النافع الضار
الله يوفقنا من القول صايب
في مدح شجعاناً من الطيب تجار
المدح في البوليل يسوق العجايب
وانا افتخر في مدح وافين الاشبار
البوليل على الفنين مثل العقايب
وللطيبين الذ من بر الابرار
رجالهم شب وعلى الطيب شايب
وترتاح من البوليل بعيدين الانضار
والبوليل بعون الله تشيل المصايب
عن الخوي والدم والضيف والجار
غصباً على الحساد وابليس غايب
وغصباً على ولد الردي طافي النار
وغصباً على اللي نصف طيبه لعايب
وغصباً على مجازي الجمايل بالانكار
والبوليل الا شبت اضوي الحرايب
عدوهم ذاق السقطري والامرار
البوليل شيوخاًيتعبون الركايب
على الفخر والطيب والعز والكار
ما يا خذون الطيب كذب ونهايب
كرمهم الله به وقالوه الاخيار
البوليل يفكون الدخل والنشايب
بالعقل والحكمه وزين التبصار
يوم الحلول الاوله بالنجايب
تاخذله من فرضة الشام مسفار
يسترون احوالهم والقرايب
ويكرمون اللي يلفون خطار
بصحونهم تردم اسوات الزرايب
مثل الرجوم اللي ردم فوقها احجار
فيها الشحم والرز والسمن ذايب
تحتار في طيب البوليل تحتار
يا خرعت أهل البخل لا جت نبايب
ويا فرحت اللي جاء من بعيد الاقطار
الطيب حق وللمثايل سبايب
والحق له عندي معزه ومقدار
العفن من طيب البوليل هايب
وساع الطعون اصحونهم اثقال واكبار
وإنا الإ قلنا نصيب الضرايب
ودايم نروح يمين ما نمشي يسار
وتمت بذكر الله عداد الهبايب
وعد النبات وعد هما الامطار

أخوكم عبدالغفور الدللو

عبدالغفور مرحبة تعرف من هو صاحب هذه الابيات