سناعيس

السلام عليكم ورحمة الله وبركاته


هذي قصيدة مختاره من ديوان الشاعر منصور سعدي الشمري رحمه الله








مهما حصل نبقى ونبقى سناعيس &&& ويبقى جبل شمر لنا ساكنينــــــه

ويبقى لنا تاج الفخر والنواميــــس &&& وتبقى لنا كل الصفاة الحسيـــــنه

حنا الطنايا محرقين المحاميـــــــس &&& عز الصديق ومن زحمنا نهينـــــــه

بالسلم لطفينٍ وبالحرب فريــــــــس &&& نبقى كما حيدٍ صدوده متينــــــــه

من جالنا محتاج له نرخي الكيــــس &&& والضيف من حمد الولي مكرمينــه

شمر ربوعي عرضهم دوم ماديــــس &&& أرواحهم دون الشرف مرخصينــه

من دور حاتم طىء هو وامرؤ القيس &&& والطايلة رغم العدى نازلينـــــــه

صلنا وجلنا يوم للفعل تقييــــــــــس &&& يوم الرجل حقه يجيه بيمينـــــــه

مانذبح الا شيخ قوم ماهو هيــــــس &&& زيزوم قوم باللقاء فاقدينـــــــه

يشهد لنا العالم وبيض القراطيـــــس &&& ويشهد لنا من دين الاسلام دينــه

وتشهد لنا نجدٍ وحمر الطعاميــــــس &&& وتشهد لنا سمر الجبال الحصينه

وتشهد لنا كتب الثقة والقواميـــــس &&& ويشهد لنا اللي كلنا عابدينــــه

ولا بأس ياللي عذبتك الهواجـــــيس &&& لا بأس يامن عافت النوم عينــــه

لابد مايجي الفرج للمحابيـــــــــــس &&& ولابد مايستافي الحر دينــــــــه

أصبر يجي يوم تشب القواميـــــــس &&& ولا ضاع دين دوره طالبيــــــــنه

ولاهمنا حكي الخساس المناجيــــس &&& ومن اعترضنا ناسمه في جبينـه

واللي كذب ألعنه والعن ابليـــــــس &&& والصدق يبقى مع بقايا سنيــنـه

ومهما حصل نبقى ونبقى سناعيس &&& ويبقى جبل شمر لنا مالكيـــــنه

وشعاد لو دون الهدف به جواسيــس &&& الموج بالقوة يهز السفينــــــــة



وتقبلوا تحياتي
اخوكم عزالدين

تسلم اخي عز الدين

مشكور أخي وصح الله لسانك



عبدالغفور الدللـــــــو