راعي المرقاب

والمعروف أن محمد بن بشر العلي واحد من شيوخ العلي وقد لقب بـ (راعي المرقاب) نظراً لعادته في نصب بيته على التلال والمرتفعات ليكون البيت وجهة للضيوف ، وهي علامة على الكرم والسخاء في أيام القحط والفقر .
ومن شعره
اليوم يا محسـن لوى روحـي الجـفــا * * * وما جابني الاّ ضـيقـة الـيـد والحــال
من فـوق الاجـفـر ثم جيـنـاكم احـلفـا * * * اشـيـوخ نجـد الـفـت على كل مدهـال
العـام حـنـا وجهـة الضيـف لـيـا لـفـا * * * واليــوم دون الشــط مضـعـن ونـزّال

وقد وصف أحد شيوخ القبائل ملكهم بالتالي :

من باب نجران ٍ إلى باب عمـّــان ... ما هي لنا يالضيغمي أنت أميره

وقال شهوان :

لنا منزل ٍ ما بين الافلاج والحسـا ... وما بين صنعـا والسليل اوجود
فيقول الأمير شهوان :

وادي من الامحـال عاف آل ضيغم ... وياما جــنينا من وراه الفـــــوايد
ويا ما زما نبته وحارت محاجره .... وياما ارتكا وقت السنين الشدايد
ويواصل
يقول العبيدي والعبيدي فارس .... عمر الفتى يفنى وتبقى فعايله
ملكت بحد السيف تسعين قريةٍ ... والحمد للي عمني في فضايله


جاني الخبر من والدي مع قبيلته .... يذكر على تيما هزايل رحـــايله
جريت شقران اللحى من بلادهم .... ولا عاد لي بالترك حيل ٍ أحايله
نادى المنادي في منــــارة فارس .... اللي صـديق ٍ لي يـدني زمـايـله
ترا أولهم ياطاعلى صم من الحصى ... واتلاهم ياطا على رمال هايله
وورّدتـــهم جـو ٍ يسمى سميره .... ألحـق توالي القوم واجدي أوايله
أولهم مشروبه الصافي من الجم .... واتلاهم يشرب من توالي هفايله
قالو نريد اللي غزينا من اجلهم .... والترك ما يصغون لو كان عايله
شرطت للعـلاّم تســعيـن بـكـــرة ٍ ... واعيـاني العلام ذهبت حمايله
ووصلنا فريق ٍ نازلين ٍ سميره .... من صلب ضيغم كلهم من سلايله
ساعة وصلناهم نشبنا بحربهم .... والريع وديـــــانه من الدم سايله
اليا اقبلوا ردّوا علينا وسبلوا .... وصارت علينا كسرة من قبايله
ليا قلت كفوا ضعنهم زاد طعنهم .... ثنا عجيل عند تالي زمـايـله
عجيل ٍ بريع البكر بأوطان شمر ..... ألا واظنا قلبي ألا واغلايله
أخوي من امي ليتني ما ذبحته ..... حطيت به رمح ٍ طويل ٍ شلايله
قطعت يدي بيدي وعيني فضختها ... ياعنك ذا شوف ٍ قليل ٍ دلايله
والله لولا الكثر لاعداد خيلنا .... ما ينثني من قومي الا قلايله
يقودهم بالحرب سيف ٍ مجـــرّب ٍ .... عجيل بن راشد كبار ٍ وهايله
يا ما جدع بالسيف من راس خيّـر ٍ .... خلّه بالبيدا علابيه مايله