حنا شرف وعز كـل السناعيـس

مشاركــة شعريــة متواضعة تبين
مفاخر شمر و شموخ بناتها أنقلها
بين يدي المنتدى مهداة
لكل أخواتي الشمريات :

ياجاهلن(( بنـات شمـر)) ذيابـه
إحذر تهوب حولنـا يالسناعيــس

بنـات لشيـوخ عـز ومهـابــه
عدوهم خاسر وينول المتاعيـس

لاتلتفـت وتثـور تـدور معابـه
شمر هل الطولات صفر المحاميس

حنا كمـا غيـث يمطـر سحابـه
وحنا بنات العز واهل النواميـس

لاتحسب إني اقـول شـي دعابـه
والا تحسبه شعر واخطه بقراطيس

لا والله الا سيف وبحـدة نصابـه
نقطع به لسان الاعدا المناجيـس

الشمري بالجود مفتوح بابـه
والعز للاجواد مير إلعـن ابليـس

اعشق جبل شمر واعشق ترابـه
يامنوة اللي شب بقلبه هواجيـس

اقولها عن ((بنات شمـر)) نيابـه
حنا شرف وعز كـل السناعيـس

يستاهلن الشمريات ما قصرتي اختي العزيزة ننتظر المزيد من المشاركات ودمت مصونه
بنات شمريملكـن شـي ماحـل
بالكون مثله قلت ابكتب قصيـده
بنات شمر فيهن الزيـن مـازل
عنهن وسام الزين ماحدن يسيده
بنات شمرنور والصبـح لاطـل
ثم شافهن يخجل ينادي طريـده
بنات شمر عزوتي ماحـدن ذل
منهن وقف بالسيف فخرن نعيده
بنـات شمرعزهـن عزماعتـل
سطر لهن تاريخ ماحدن يبيـده
بنات شمرتشهد اجبال مـع تـل
حايل اجا وسلمي تحتها شهيـده
بنات شمرمنهن الميـل يختـل
روسن رفيعه فوق بالله سعيـده
بنات شمر كلمتينـن لهـا كـل
كل الورق ينفذ وابختـم فريـده

وهذه قصيده رائعه مدح بنات شمر وأهل شمر للشاعر عبد الكريم الجباري

البنت من رجالها والخيل من خيالها
والضبعة العرجا تحوم تبي عشا لعيالها

هذا من الشعر القديم ماقالها عبدالكريم
امثال من قول البدو مدري من اللي قالها

الفطن يفهم مقصدي ومالي ومالك يالردي
لاضاقت الدنيا على سلمى تهز اجبالها

ماضيق لو غيري يضيق وماهو موقف لي طريق
وعيال شمر لابتي صكت على رجالها

عبده مع الصايح جميع والشمريه ماتضيع
شمر لاضاق الزمن كلن يقول انا لها

وانا غريري يابعدي حفيد ابن حاتم عدي
عيال عديه العدوات كلن يعرف افعالها

يابنت قومي والعبي ابي اتفاخر بانسبي
من غبنها بعض النفوس يصيبها سلالها

تفاخري بي يامره الذل مافيه اثمره
كما سربة من ذلها كلن شرب فنجالها

صرنا طنايا من طنا ماهو طرب ولا غنى
اشد لحظات الزعل فال الله ولا فالها

مافيه نجدي وجزري الشمري هو شمري
باي ديره فيها نزل زم الحمول وشالها

فيني حميه واسلمي واهل الحيسه محزمي
لاعدت بيوت العرب متشيدآ منزالها

ولاصرت عبدي ضيغمي سنعوس دمي ولحمي
عبده سناعيس الفخر تعجز تعد ابطالها

وان قلت سنجاري فخر اهل المراجل والسطر
شيوخ شمر منهم الي يضل اضلالها

عرب وليدك عربه وكاس المراجل شربه
وخل العلوم مفرقه من دقها واجلالها

مايزعل الناس المديح خصن اذا مدحك صحيح
والعفن تلقى المرجله تقصر عليه احبالها

واعرف لو طال الزمن الطيب يبقى له ثمن
واعرف ترى نفسك تبي تجزى بنوع اعمالها

وانا ولاني مستضيق ولا موقف لي طريق
وعيال شمر لابتي صكت على رجالها

الأعضاء الكرام في المنتدى

أشكر لكم ردكم الجميل والمعبر
وأنقل هذه الأبيات المعبرة أيضاً
وباسم كل الشمريات

أدري اني بنت عز وشمريــــــــة
والثقه من فضل الله تاج راســــــي

من جبال آجا وسلمى شي فيّــــــه
الشموخ اللـي مخليهم رواســــي

وارثــــــه من ربعي النفس الابيــه
والـوفا من طبع ابوي وطبع ناســـي

من هل الاحقـــاد ما والله عليـــّــه
شامخة رغم التحدي والمآســــــي

مـــا دخلت الـــنــت ادور للحميــه
أو أدوّر من يحـــن ومـن يواســــــي

وما ادور لا حبيب ولا خويـــــــــّـــــه
الشـــرف ستــري وثوبي مع لباســـــــي

*************************************************************

هلا فيك أختنا الشمرية مرة أخرى ونعم منك ومن كل بنات شمر.

أختنا الشمرية نشكر لك شموخك ورفعتك
ونحييك وكل بناتنا واخواتنا من شمر
ومن كل العربيات الأصيلات

وهذه الأبيات المنقولة تأكيد آخر على

على عزة رجالات شمر من ضياغم وسناعيس وطنايا

حنا عيال الضيغمي هـل الشومـات == وأهل الكرم والجود وأهـل الحميَـه
حنا بنـي ضيغم للمجـد سـادات == = == حنا صقـور نحـوم فـوق البريـه
الصيت صاطـع وإرجـال ساحـات = === وإرجـال نخـوة نخـوةٍ شمـريـة
حنا طريق اللي يريـدون الممـات === ==إخوان عليـا مـا يهابـوا المنيـه
اخوان عليا بهامةالمجـد شامـات === = يوم الوغا شدوا على الموت طيّـه
فرسان صالوا واتعبواالخيل صولات === يتسابقـوا لا طـاح سـوم المنيّـه
كرم الضيف مـن زينـةالعـادات == ==== وانجيـر المظلـوم عـادة سمـيّـه
من زارنا بضيم على القـول بثبـات === = دار ابـن ضيغم دوم مثـل التكيّـه
الجـود فيهـا والكـرم والعطيـات ===== نجرن ينادي الضيـف أهـلاً وحيَـه

أشكر لكم مروركم العطر

و جزاكم الله كل الخير

تشكر الأخت الشمرية على النقل بالنسبة للقصيدة لصاحبتها الشمرية المجهولة و اكرر تشكر الأخت الشمرية و هذا دليل على نشاط جميل بين منتداك منتدى البوليل و موقع العشيرة الرسمية شمر