ترحيب بنسايــم الشمرية

( أنا هواي وبس بنت الجزيرة )
كتب أحد الشعراء هذه القصيدة بعد عودته من المغرب، فقال :
ياللي تنشد عن علوم الـذي طـاف "
" كل البحـور وكـل دولـة وديـرة
خذ من علومي علم اوصافه اوصاف "
" جزل سميـن يشتعـل لـه سعيـدة
الزيـن عقـب المغربيـات ينعـاف "
"غيد لهـن بالزيـن ذكـره وسيـرة
فيهن حلا طاغي وليـن و تعطـاف "
" وفيهن حنان يشعـل القلـب غيـرة
حلوات وصف وفاهمات بالاعـراف "
" زيننات منطق صافيـات السريـرة
بنات قوم طيبهـم غصـب ينشـاف i"
"اولاد مغـرب بالليالـي العسـيـرة
ياللي تنشد عن علومي بالانصـاف ii"
"هرجي يكفي صاملـه عـن كثيـرة
الزين في لميا وتغريـد و الطـاف "
" ماهوب في حصه وكشره و منيـرة
فرد عليه طلال الرشيد - رحمه الله - بهذه القصيدة :
يابن الحلال ان طعتني خل الاسراف"
" واترك جمال الغيد لاهـل البصيـرة
الزين مو بس في الملامح والاوصاف
" الزين روح وعفـه وطيـب سيـرة
مانيب من يهوى سريـا وانصـاف
" انا هـواي وبـس بنـت الجزيـرة
بنت الخليج اللي تمـاري بالاعـراف
" وحنا نمـاري باسمهـا كـل ديـره
مالي غرام بقـول وخـا وبالـزاف
" اذبحتني عنـد الطرحـة المستديـرة
احب قولة ياهـلا وعـل وماخـلاف "
" من بنت ثوبي بنت الارض النضيرة
اللي تحلاها الظبي حلـو الاطـراف
" جمـال فـي عفـه ورقـه وغيـره
واللي بها سحر مهو سحـر عـراف "
" ياعـل عيـن ماتراهـا ضـريـرة
عطف وحنان وذوق في لين الاعطاف "
" والى كشفـت لثامهـا شفـت أميـرة
صعب على اللي بالردي شاف ماعاف"
" وحلوه على اللـي سنـه الله ضميـره
شمس الى من اشرقت والدجا طـاف
" غابت نجومك غصب لو هي كثيـرة
السيف مايزهى سوى كـف سيـاف
" والخيـل دون حصانهـا مستخيـرة
بس أنت دورلك على قـدك لحـاف
" وان طعتنـي دور بدلنـا عشـيـرة



اٍن حــــــــــــــــكــــــــــــــــــت
ان حكت غار السكوت من الحكي
وان بكت يحسد مدامعها الغرور
كنها والشمس خصـم ومشتكـي
وبين ذيك وذيك عذبت السطـور
الثرى يـا مايسـه مغروركـي
ومن يلومه ما يعرف سر الغرور
والجمال امرايته فـي وجهكـي
والبها له في جفن عينـك فتـور
الحلا يـا حلوتـي شبّـه iiبكـي
منهكٍ حرفي ويشكي بهiقصـور
والحروف اتهني احروف اسمكي
والاريج اختال في عرس العطور
يا غريره ياغـرورى مسلكـي
تهت والا تاه عن كفـي العثـور
في طريقي ضاعت الخطوه iiلكي
ماتميز بين نـار وبيـن نـور



حـــــــــاكــــيـــــة شـــــــــمــــــــــــس
كـنـك مــلاك وطـلـع تـــوه
الله وش كــثـــر مـحــلــوه
مـاعـاد بــه غـيـرك حـكـايـه
جيـتـي وكــل تــرك جـــوه
اللـيـل لــف ولمسـهـا لـمــس
بعيونـك اغـرب حكـايـة شـمـس
وانـتـي الــى الحـيـن نـسـايـه
ضيعـت بـاكـر عشـانـك امــس
دايــم اقــرب وهـــو iiيـبـعـد
وفــي شفـتـك للشـفـق iمـوعـد
ويـحــط لاحـزانــي نـهـايـة
مـن غيـرك اللـي قــدر يسـعـد
يـالـلـي تحـلـيـن اي لـبــاس
يـغـار مــن جـيـدك الالـمـاس
حـــرام تـعـذيـب وكـفـايــه
حنـي علـى النـاس ياحلـى النـاس
والشـمـس تحـضـر بمـيـعـادك
مــن يـقـدر يـلـوم حـســادك
بيضـا وفيـهـا سـمـار الـحـور
سـمـرا وفيـهـا بـيـاض الـنـور
مـالــه بـدايــه ولا نـهـايــة
مـن مثلـك اللـي جمـالـه جــور
والـكـامـل بـحــق وجـــه الله
يـاحـلـوتــي كـامــلــه والله
يالـلـي لـكـل الـبـشـر ايـــه
مــن يشبـهـك حـلـوة الـطـلـه



يابـــــعــــــد حــــــيــــــــــــــــي
اليوم يا بنـت مـن زيـي
الشمس واردت على ضيـي
جيت انتخي بالوجيه البيض
يا عزوتي يـا بعـد حيـي
الجادل اللي حلاهـا غيـر
ضيعت في شمسهـا فيـي
بعيونهـا سلسبيـل رمـاح
و الموت بالسـود متهيـي
موت و انا اموت انا بالموت
كثيرهـا غـرّق شـويـي
لا قلت تكفين قالـت جـاك
و ان جيتهـا فجـأة تعيـي
و لا قلت مالي و مال الغيد
قالت وهم بينهـم زيـي ؟
قالت و هي تلتفـت للنـاس
طلال موتـه علـى يـدي



وورثـــــــــــــي احـــــــــرامــــــــــــــــي
أنا مابي من الدنيا وصـول ٍ للعيـونالدعـج
وأظن الصدق يكفي لو أموت وورثي احرامي
حبيبي جاهل ٍ طاغي يحسب إن الجوارح ثلـج
وأنا مالي شفاه وفم صوتـي ضيّـعاحلامـي
إذا حبك ذبحني صد ّكـل ٍ لـه بموتـهiنهـج
تشهّـد بالعجـاج البيد قبـل تمـوت قـدامـي
أنا غصن ٍ وأنت اوراق والعاذل خريف وعج
و وش عذر الورق والغصن لا يابس ولا ظامي
غديت الشايب اللي عاصب ٍ راس الزمان الحـرج
كبير ٍ حـزٌم الدنيـا علـى متنـه ولا قامـي
شليلي بالعفاف ابيض على حالته يومه نسـج



مـــــــــــيـــــــــت وأنـــــــا حـــــــــي
بيني و بينك عرفـت المـوت
تحـب و الـحـظ متجـنـي
تبي الصـدق حبهـا منحـوت
و أصبحت منها و هـي منـي
أفرشلهـا القلـب باليـاقـوت
و أقـول يـا دلـي إتمـنّـي
صدري قصور و مدن و بيوت
و هي المليك اللـي يحكمنـي
يا ويل ويلي عليهـا صـوت
تحكـي تقـل كنهـا تغـنـي
و سكوتها غير كـلسكـوت
كـل شـي فيهـا يكلمـنـي
قد شفت شمس زرعوها تـوت
بشفاتهـا الـتـوت متثـنـي
يا حلوهـا و القلـم مبهـوت
وش يكتـب بوصفهـا عنـي
هي دنيتي و الهوى والقـوت
و إن غبت عن وجههـا كنـي
متغـرب و غربتـي تابـوت
ميـت و أنـا حـي مستنـي
قولو لها لـو يفـوت الفـوت
هو ينفـع الصـوت متعنـي
و قولو لهـا و الله إلا مـوت
لو خـاب فـي حبهـا ظنـي



الـلـــــــيــــــــلــــة اٍحـــــــســـــاســـــي
الليلة إحساسي غريب
عاشق ونا مالي حبيب
حبيت كل الناس لاموني
حبيت كل الناس باعوني
قلت أحب الحب أحسن
قلت أحب الحب أضمن
لا أحن .... ولا أتوه
ولا بعد في يوم أحزن
رضيت بأقداري ونصيبي
صرت محبوب الحبايب
وصار كل عاشق حبيبي
الليلة غير
شعوري غير
أشواقي غير
حتى الأغاني غير
صدري سما ... واحساسي طير
بس طيفك ماتركني
ظل ساكن تحت جفني
كان وافي...كان يذكر وإنت ناسي
إنت وينك ؟
كان هذا الفرق مابيني وبينك؟!
جيتني تشكي الزمن
وجيتك أبي أدفى
لقيت في قلبي وطن
ولقيت فيك منفى



لــــــــــــــــــحــــن الــــــــــــــبـــــــدو
حنـا ولا مـن قلـت حنـا تحنـا
كل الكلام بعطر تاريـخ الاجـداد
المجـد هـم وهـام فينـا وغنـا
حتى علينا من على روس الاشهـاد
يا كبر حـظ الـي نخانـا وثنـا
نشد له فوق الفخر سـرج وشـداد
ان هلل التاريـخ غطـرف وطنـا
وان سولفو عنا رجاجيـل واجـواد
وان بان لك شمس ترى ذيك حنـا
نشرق مدام الظلـم ظلمـا وحسـاد
يا بنت يمي كـان رمشـك تمنـا
اشق لك ثوب السماء جود وعنـاد
واشدلـك زمـلً جفـن المعـنـا
واسري بوجهك لاغشى وجهي سهاد
يا حلـو قـدك يـوم قـدك تثنـا
محدا تغنى فيك من خوف الالحـاد
حنـا البـدو يابنـت هـذا لحنـا
نحبك اكثر لاغـدى حبـك جهـاد
وحنا البدو يا بنـت لامـن نخنـا
بناتنـا يثالـث العيـد الاعـيـاد
وحنا البدو يابنت وان قلـت حنـا
فاح الكلام بعطر تاريـخ الاجـداد



رســـــــــالـــــة اٍلـــى صـــــديــــق الــــطـــــفولة
صديق الطفولة وش جـرى لـك مـعالأيـام
هـي أنصفـت دنيـاك والا أنـت بـك مثلـي
فقدنـا ملامحـنـا مـثـل سـايـر الأنــام
عبـث بنـا جـور الزمـن والزمـن يبـلـي
وقفنـا جميـع وبينـنـا حـاجـز الأعــوام
صعيب ٍ وصولي لك.. ويا صعب لك وصلـي
وأنا اشوف في وجهـك طريـق غشـاه عتـام
وذاك النخـل واشــوف دارك ودار أهـلـي
وسدره.. هي أكـرم مـن أهـل بيتهـا اللـوام
وفي وجهك أصحابي.. عصى مدرسي.. وفصلي
وعـود ٍ كبيـر ودايــم ٍ فالـظـلال يـنـام
فـي ذكرياتـي لـه بـعـد ملـمـح وجـلـي
وسـور كتبنـا فيـه ذكـرى عبـث وأوهـام
ولـي فـي عيونـك صـورة زانهـا جهلـي
بثـوب تبلّـل بالمـطـر والـتـراب وشــام
وأنا حب أسيـر الْعَـب وهـي حافيـه رجلـي
أنا وانت طفل وطفـل دايـم رضـى وخصـام
بكانـا سهـل والضحكـة أمـرٍ بعـد سهلـي
دعانـي بوجهـك نــاده ٍ يـنـده الأحــلام
معه رمح مدري هو علي غاضـب.. أو لجلـي
أنا كيف أباصـل والأمـل خلـف مـو قـدام
كثير الأسـى والسِّهـد يـا مـن فعـل فعلي



مــــــــوت الاٍحــــــســـــــــــــــاس

قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني



الـــــــــــــلــــــــــــقــــــــب
يا صغيّر ما يكبرني لقب
وما يصغرني إذا انكرني صغير
ما خذينا الصيت من جمع الذهب
ولا نسابة شيخ او قربة امير
كاسبينه من هل السيف الحدب
الجنايز كان ما جاك النذير
صيتهم نجم ٍ على رأسه لهب
سمعوا الصقهان به واجهر ضرير
بالوفا تاريخ أبيض ينتصب
لا حكوا بالحق حيين الضمير
ضيغمين للسناعيس انتسب
لابةٍ طلنا بها عرشiكبير
عند حدك يا كثير الهرج تب
لا تمر النار وثيابك حرير
كان لك عز بذلي فتعقب
والله ألا تبطي وحبلك قصير
احسبنك من صناديد العرب
واثر ساترتك عباتك يا غرير
ما حسب للسوس زراع القصب
والقراده ما درى عنها البعير
ولو حسبنا للحسايف والتعب
ما بذرنا يا العصافير الشعير
عن هللك ابراي لله واحتسب
الرجال اللي مجارهم عسير
من قريش المصطفى وابولهب
والدغالب ما غشت عذب الغدير
للرجال من الرجاجيل العتب
والزكاة تحل في حال الفقير
لعنبو وقتٍ غدينابه حطب
تحرقه نار يثورها اجير
ما ألومك والزمن سوى العجب
هو بقى غير الكرامه بالجفير
ما أذل وراسي يشم المهب
لو بقى من شمر طفلٍ غرير
ما اهاب ولا يزلزلني غضب
الشجاعه ورث العاقلiغزير
يا صغير ما يكبّر باللقلب
غير من هو كان من دونه صغير



تـــــنـــهـــيدتـــــيــــن ونــــــار

كـلـّمـنـي عـنّـك
أبعرف كل شيٍ عنّك منّك
قلـّي وش أول جروحك
قلـّي وش آخر أمل ترجيه روحك
إحكي عن طبعك
وعن ربعك
عن اللي يهـزّ دمعك
قلـّي وش معنى الحياة
قلـّي بأنفاسك متى قد قلت آه
إحكّ لي عن الحب
إحكّ لي .. إحكّ لي
إحكّ لي عن الشوق
طـر بـي فوق .. فوق
خـذنـي منّك
وإحكّ لي .. عنّك
الـصـدق
إن الأمل من قبل أعرفك .. كذب
والتضحيه أوهـام
وإني أنا من قبل أعرفك
كنت أعرف أنـام
كان السهـر مـو هـالسهـر
لعب .. و أغانـي .. و إخـتصار
صار السهـر تفكير
صار إنتظـار
صار إحتظـار
صار السهـر .. تنهيـدتيـن ونـار



مــــــــــحــــــــتـــــاج لـــــــــــــــــــــــــك
انتي بكف وباقي الخلق فـي كـف متعليه في وسط قلبـي ولـك شـان
في غير وصلك مالقلبي ترى شـف محتاج لك يانـور عينـي وشفقـان
لا جابوا اسمك صرت انا تقل مختف مالي على نفسي الى اطروك سلطان
من غير حبك غضت عيوني الطرف جمالـك صـار للزيـن عـنـوان
اريد انا قربك ترى ياغـذا الحـرف وان ماحصل موتي ودنيـاي سيـان



يــــــــــــــاطــــــــــــــــاهرة
يا بنت أنا ماني كذا .. و ظنونك تكـذّب عليـك
كلّي عيوب و ما قوت تخجلني ظنونـك وiأتـوب

أكذب عليك و دوم أخونك و ألبس الأبيض و أجيك
و أعشق معك ألفين وجه و يمتلي صدري قلـوب

أحلى الكلام أقول لـك لـو قلتـه البـارح لذيـك
ياقف على شفاهي معك مراهـقٍ صـبٍّ لعـوب

أكذب و لا أدري ليه أكذب أعشقك مـا أرتجيـك
أخاف من صدق الحقيقة في الهروب من الهـروب

و الله أحبك و أعشك و أعرف زمان لـي أبيـك
لكنهـا هـذي الحيـاة اتعلمـت منـا الـذنـوب

العين عجزت تعتقـك .. القلـب عيـا iiيشتريـك
في السجن خيّالٍ وفي .. في الصدر رجالٍ كـذوب

هذي الحقيقة ما يجي في الكون أطهر مـن يديـك
و أنا الذي أنقض وضوء الغيم و الماء و الهبـوب

أنقض عيوبي فوق متني و انتي لعيبـك شريـك
و باكر تبسم لي وجيـهٍ لـك يعبّسهـا الشحـوب

يا طاهرة حنـا كـذا و المظهـر يكـذّب عليـك
يمكن يجي يومٍ يجي نخجل من ظنونك .. نتـوب



بعض أحوال
أنا مقدر أكون .. اني حبيب في بعض أحوال
أنا كلي أجي .. و الا أروح بعزتي .. كلي
تخيرت الفراق و مادريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منك دمع في عيوني مارضى ذلي
رحلت انت و تركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الندم موّال
سكت و مت بالحسره و لا ادري و شهو احسن لي
أحبك كل مافيني يحبك يا خلي البال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس و اهلّي