شمر الاسطورة

البارحه نامت عيون المحابيس * * * وانا مع الشباك عيني تخايل

مد شوفي للنجوم المراويس * * * واشوفها تعكس سنا نور حايل

واسري على نوره بصحرا الهواجيس * * * وادق للخطار نجر المثايل

اقلط ادلال الشعر والمحاميس* * * وبالحروف اشب نار الجزايل

احمس ووزنها وزن مرهي الكيس * * * واصبها صبة عيال الحمايل

فنجالها يحرم على اللاش والهيس * * * ماهو يمد إلا لذرب الفعايل

سلام ياشمر عيال السناعيس * * * يااهل الوفاء والطيب واهل الجمايل

ياكاسبين المجد كسب النواميس* * * يااهل السيوف المرهفات الصقايل

واهل الكرم لا فاق حد المقاييس * * * ومال الزمن وعقال الامجاد مايل

وأهل الشجاعه يوم ضرب المتاريس * * * رز الوغاء من غير شمر بدايل؟

ومن غير شمر لا انثنوا للمقابيس؟* * * ومن غير شمر عدلت كل مايل؟

عدوهم وقت اللقاء يلعن ابليس* * * ويرضى بما قالوه والشك زايل

لو قستهم بالمجد وشلون باقيس؟* * * مجدٍ تسولف به تواريخ وايل

مجدٍ رسى بالارض مرسى التضاريس* * * وخذ من جبل سنجار عز الاوايل

وإن حرف التاريخ بعض المفاليس* * * ما حرفت ليام صدق الدلايل

واكبر دليل إيجب قول الاباليس* * * من غير شمر طاولت كل طايل؟؟

تشهد متاحف دور لندن وباريس* * * فيها صورهم يوم سووا الهوايل

قلته وانا من يام ركابة العيس* * * ومسطرين المجد فوق الاصايل

والقصد كله يالطنايا السناعيس* * * ماهو سوى عشقي لرووس ال

منقول

صح لسان الشاعر وتسلم يمين الناقل وهذا
الشاعر العذب والرائع :



محمد بن ساقان القحطاني !!!


في قصيدة اقل مايقال عنها انها رائعه



********






من يم نجد وشرق مكه وطيبه

لين الديار اللي جنوب القريات


جيت بخفوقي شوق ماينحكي به
اكبر من حروف الشعر والكتابات


شوق ِ مهو شوق الحبيب لحبيبه
شوق الطنايا للكرم والجمالات


ولو قالوا ان الدار ماهي قريبه
بقول : يعني ماتهون المسافات


ماهم بربعي بالليالي الصعيبه
أجل وربي ماحسبت المشقات


(شمر) ليا صك الصليب بصليبه
إهجد ياجن وإنس لأهل الطويلات


يرضخ لهم هالطيب حشمه وهيبه
ويرفع لهم بالعز بيرق ورايات


ومن مرهم طرقي بيآخذ ضريبه
فنجال ٍ أشدى من خضاب الخوندات


والموقده تشهد براس الرقيبه
ومن طيبهم ماينزلون الطمانات


(والشمري) من طيب راسه وطيبه
به ميزة ٍ عدّت حدود المروات


لاثارت الفزعات .. لاتنتخي به
لأنه يثور من الطنا دون فزعات


الله خلقهم للمصيبه مصيبه
وللنار نار وللمعالي ريادات


وللموت موت ولللهيبه لهيبه
وللطيب طيب وللمراجل سيادات


لكن بهم حاجه ولاهي غريبه
يمكن يخون إبها الشعر والعبارات


إليا بطشوا خلو المضارب عطيبه
وإليا عطوا مامدوا إلا الجزيلات


ما ارفع مكانتهم بشعر ٍ اجيبه
هم يرفعون حروف شعري مقامات


وآخر ما اقول بهالشعر وانتهي به
بحطها بقوسين وأربع علامات !!!!


(الشمري ! عيبه ! وعيبه ! وعيبه !
إليا ارتكى للحمل شال الثقيلات ) ..


طبعا الطيب يذكر والردى يذكر ايضا
ولا ينبغي لاحد ان يتكل على الماضي
وانما يطيب الرجال بطيب افعالهم
والميزان الحقيقي هو التقوى وليس النسب
تقبلوا مروري مع اطيب التمنيات

الاخ محمد امين العكلة
تسلم ايدك عالنقل وصح لسان الشاعر

مشكورين السادة الكرماء بما رحبت عقولكم ونقلكم للفخر بالعشيرة