سجين ينخى شيوخ شمر

--------------------------------------------------------------------------------

السلام عليكم ورحمة الله وبركاتة


السجين

الشاعر / سعيد بن فالح المفضلي الشمري .. كتب قصيده ينخا بها شيوخ شمر وشيوخ القبايل وكان محكوم بالقصاص...

والمذكورين بالقصيده هم
عبد الله بن ملبس الجبرين
متعب بن بدر بن شريم
محمد بن بعيجان العلي
ممدوح بن طلال بن رمال
ضاري بن محمد الطواله
أبناء عبيد بن بايق بن ثنيان
ماجد بن عقاب بن عجل
فيصل التمياط
عفاس بن تركي العتيبي
عبد الكريم الجبرين
فداع بن شريم
سفاح بن متعب الجبرين
متعب بن نايف الهباس
بندر بن فيصل الدويش (شيخ قبيلة مطير)
فرحان بن سعود بن هذال (من شيوخ عنزه)
حزام بن خالد بن حشر القحطاني (من شيوخ قخطان)
سعود بن رشيد بن مجلاد الدهمشي (من شيوخ عنزه)
فيصل بن عجمي بن سويط (شيخ قلبلة الظفير)
فرحان بن هجرس الديدب
حمدان بن مرداس الزقروطي
عبد الله بن غالب الرمال
عبد الله بن فرحان بن سعيد
حمد بن جعيثن بن مخيدش
مطلق بن عواد العبيكة
مهدي بن حسن التبيناوي
عقيل بن هايس الرخيص
حمدان بن حمود الجدي
عارف بن درزي العردان
مرضي بن خاتم الضويلي








بديت بسـم المعتلـي رب الأربـاب ""فردٍ صمـد للنـاس مفتـوح بابـه

الدايم اللـي نـزّل الوحـي بكتـاب ""على رسـولٍ مـا يعـرف الكتابـه

رحمان عن عرش السموات ما غاب""ربٍ كريـم يـا دعـا العبـد جابـه

باسمه بديت اللي كتبتـه ولا خـاب""من يبتدي باسـم الولـي واشتكابـه

ربٍ علـى التايـب رؤوف وتـوّاب""له التجي من ضيم وقـتٍ أنـا بـه

يقوله اللـي سكّـروا دونـه البـاب""يـوم انسجـن بأسبـاب دمٍ إبتلابـه

حسبي على اللي سببه بين الأقـراب""اللي علينـا ساعـة الشـر جابـه

عذاب لا صارت مع أقراب وأصحـاب""ولاّ المعـادي مـا حسبنـا حسابـه

يا شينها صارت على كيـف مغتـاب""به شمتة الشامت وحـزن القرابـه

يوم إن شياطين البشر صاروا أسباب ""للقصة اللي صـار روحـي عذابـه

رجـواي باللـي للمخاليـق وهّـاب""اللي خلـق كـل البشـر واعتنابـه

ثم التجـي للـي يعـاون للقـراب ""حـر ولـد حـر عـزيـزٍ جنـابـه

مرضي أبو غريب حـلاّل الانشـاب""الله عطـاه المرجـلـه والمهـابـه

أنخاك من ضيم الليالـي والاكـراب""هو فزعتي هـو نخوتـي والرجابـه

يـا طيـب الجديـن ناخـيـك آواب""راجيك بالمعبود منشـيء السحابـه

ثم أتوسـل وأذرف الدمـع سكّـاب""لغنيـم بـن عايـد وألـوذ بجنابـه

وأقول يا حر حسبنـا لـك حسـاب""العفـو والإصـلاح عـز ومهـابـه

يا الطيـب اللـي للمواجيـب وثّـاب""العفو محدن يا بـن الأجـواد عابـه

أنخاك متوسـل بلازيـف واريـاب ""راجيك باللـي خالقـك مـن ترابـه

وأنخى معك هزّاع مـن خافـق ذاب""ابن العزيـز اللـي فجعنـا ذهابـه

حرٍ تربَّـى بيـن صافيـن الألبـاب""أهـل النوايـا الطاهـرة واللبـابـه

وأنخى معه فزّاع والقلـب منصـاب""نخـوة ندامـه واعتـذار ومتـابـه

أدخل عليكم برب الأرباب مـن بـاب""عفـوٍ وعتـقٍ مـا يضاهـا ثوابـه

بجاه الذي يعفو عن العبد يـا تـاب""ويثيب من به يحتسب عـن مصابـه

وأنخى هل المعروف دسمين الأشناب""شيوخ بهم فـال السعـد وانجذابـه

نخيت عبد الله علـى فـك الأنشـاب""بن ملبس الجبرين حصـن القرابـه

أبو مسفر البتّـاع حـلاّل الأصعـاب""الكـايـدات يحلـهـا لا سـعـابـه

شيخ جعله الله لنـا ستـر وحجـاب""هو تاج روس أربوعنـا والعصابـه

ونخيت متعـب يـوم زادن الأتعـاب""ابن بدر لامـن قـال قـولٍ وفابـه

شيخ الشريم اللي لهم قدر وحسـاب""زبن الغريب اللـي عليـه الطلابـه

ونخيـت شيـخ للمعاديـن معطـاب""عوق الحريب وكسرتـه وانقصابـه

ولمحمـد بعيجـان تاريـخ بكتـاب""المجـد لـه ورثٍ وهـو زاد مابـه

ونخيـت شيـخٍ بالمهمـات غـلاّب""شيخٍ ولد شيخٍ علـى المجـد نابـه

أفعال ممدوح الرمالـي بهـن طـاب""جرح الذي ينخاه من جور مـا بـه

اصبح بفعله مثل أبـا زيـد وذيـاب""عـز الـذي ينخـاه وقـت الطلابـه

ونخيت ضاري يـوم زادن الأكـراب""نخوة تهز المنتصـب مـن هضابـه

ابن طواله حاضـر وقـت الأنـواب""عونٍ على ميـل الزمـن وانقلابـه

ونخيت أبناء الشيخ نادين الأنسـاب""أبنـاء عبيـد وألـف نعـم بجنابـه

من آل الثنيـان الصناديـد الأنجـاب""أهل الشجاعـة والكـرم والنجابـه

وأنا نخيت الشيخ ماجد بـن عقـاب""شيخٍ فعول الطيـب شـبَّ ونشابـه

يا قال يفعل مـا توانـا ولا ارتـاب""خير المراجل ابن عجل حـاز مابـه

ونخيت أنا التمياط من خافـق شـاب""مـن بلـوة الدنيـا وحـرّة عذابـه

الشيخ فيصـل عـز كـل منصـاب ""واللي عذاب الوقـت جـار وعثابـه

ونخيت أنا عفّاس حـلاّل الأصعـاب""أفعال ابـن تركـي يبيـن الدهابـه

شيخٍ عتيبي عـز ربعـه والأغـراب""بفزعاتـه اللـي لا بـداه إعتلابـه

ونخيت أنا فدّاع بن شريـم لحسـاب""شيـخ حلـول المعقـدات اصطفابـه

الشيخ يا اشتدت عسيرات الأخطـاب""يفزع مع المضطر مـا صـك بابـه

ونخيت شيخ شاع صيتـه بالأقطـاب""عبد الكريم عز من لاذبـه والتجابـه

الشيخ ابـو نـواف للطيـب كسّـاب""الله وهبـه الطيـب جـاه ومهابـه

ونخيت أنا سفّاح نخـوة لـه ايـذاب""صلب الحديد اللـي عسيـر مذابـه

الشيخ ابن متعب فزعاتـه اعجـاب""عـز الـذي ينخـاه بأمـرٍ شقابـه

ونخيت متعب مع قريبيـن واجنـاب""حيثه على الطـولات عـوّد شبابـه

الشيخ ابن هباس نفا كـل الأتعـاب""عن قلب من ينخاه وانهـى عذابـه

ونخيت شيخٍ بالرفيعة لـه أطنـاب ""عسـر النوايـب تنتهـي باللقـابـه

عز الذي ينخاه بأوقـات الأنشـاب ""بندر ولد فيصـل لـه مطيـر لابـه

ونخيت شيخٍ باللـوازم لـه أركـاب""بشرى السعد دايـم تسابـق ركابـه

فرحان ابن سعود فزعاتـه أعـذاب ""للشافي المجـروح يشفـي شرابـه

وأنا نخيت حزام من خوف وإرهـاب""وشرواه شيخ مـا يخيـب الرجابـه

الشيخ بن خالد على الجـود شبّـاب""من روس قحطان العروبـة جنابـه

ونخيت أنا سعود يوم السعـد غـاب""وكلن يقـدر ابـن رشيـد ويهابـه

الشيخ ابن مجلاد ناخيـه مـا خـاب""وأنـا نخيتـه وانتـظـر للإجـابـه

ونخيت أنا شيخ خذا كـل الإعجـاب""عند الرجال أهل الحسـب والنسابـه

فيصل بن عجمـي للطيـب منجـاب""من صلب شيـخٍ للمهمـات جابـه

ونخيت أنا فرحان شيـخ لـه إيـاب""فيـه الأمـل ينعادبـه مـن ذهابـه

ابن هجرس الديدب ليا طاب لك طاب""عزك ليا من الزمـن شـان مابـه

نخيت أنا شيـخ مـا عنـه مجنـاب""حمدان بن مرداس ضرغـام غابـه

شيخ المعالـي والمكـارم والآداب ""شيـخ لـه جمـع الزقاريـط لابـه

وعبد الله الغالب عن البال ما غـاب ""انخـاه مـن زود العنـا والغـلابـه

ابن رمال اللـي للأضـداد معطـاب""شيـخ بـدا بالطيـب شبّـة شبابـه

ونخيت عبد الله نخوة اللي له أحبـاب""وغاب برماس السجن طـوّل غيابـه

والشيخ ابن فرحان شيخ له أوجـاب""جـده يـوم الفقـر عشّـى الذيابـه

وابـن جعيثـن للجزيـلات وهّـاب""حمد سديـد الـرأي حيـن احتزابـه

شيخٍ على طاريه طيب الحكي طـاب ""تكبـر بطيبـه هـقـوةٍ تنهقـابـه

نخيت مطلق والرجا به له أسبـاب ""الشيـخ مثلـه كـل عسـرٍ كفابـه

جزّام ما هـاب المعـادي وينهـاب""غصبٍ عدوه يا التقـى فيـه هابـه

ونخيت شيـخ للثنـاء دوم كسّـاب""مهدي التبينـاوي ذرى مـن لجابـه

شيخ مع المنضام يفـزع ولا هـاب""هو فزعة اللي يوم ضـاق انتخابـه

ونخيت عقيل نخوة ما بهـا اعتـاب""شيخ الرخيص ليا فـزع عزّنـا بـه

ليثٍ يعـز بفزعتـه قـرب وأجنـاب""والطيب من شرواه ما بـه غرابـه

ونخيت أنا حمدان من حـر الألهـاب""اللـي بوسـط القلـب زاد اشتبابـه

حيث ان لابن حمود علم لنـا طـاب""شيخ الشهامـة والكـرم والمهابـه

ونخيت أنا عارف وأنا بحالة إرعـاب"ابـن درزي العـردان راع الوجابـه

به منتهى أيـام حزنـي والإرهـاب""شيـخٍ عزيـز مـا يبيـن الردابـه

ونخيت أنا مرضي من غب غيهـاب""سجن دميس نصف عمـري قضابـه

الشيخ ابن خاتم نفـى كـل الاتعـاب""عن قلب من ينخاه وأنهـى عذابـه

قلته وأنا عبدٍ لـرب السمـاء تـاب""توبة نصوح للولـي بصـدق ثابـه

أنخـى صناديـدٍ يفكـون الأرقـاب ""الكـل منهـم لـه مقـامٍ عـلابـه

ومن يفعل الحسنى على فعله ايثـاب""والأجر عند اللـي سريـعٍ حسابـه






السجين
الشاعر / سعيد بن فالح المفضلي الشمري
سجن حائل العام

منقول