قصيده الشاعر محمد ابن ساقان القحطاني في قبيله ((( شمر )))

من يم نجد وشـرق مكـه وطيبـه @ لين الديار اللـي جنـوب القريـات
جيت بخفوقي شوق ماينحكـي بـه @ اكبر من حروف الشعر والكتابـات
شوق ِ مهو شوق الحبيـب لحبيبـه @ شوق الطنايـا للكـرم والجمـالات
ولو قالوا ان الـدارماهـي قريبـه @ بقول : يعني ماتهـون المسافـات
ماهم بربعـي بالليالـي الصعيبـه@ أجل وربـي ماحسبـت المشقـات
(شمر) ليا صك الصليب بصليبـه @ إهجد ياجن وإنس لأهل الطويـلات
يرضخ لهم هالطيب حشمه وهيبـه @ ويرفع لهم بالعز بيـرق ورايـات
ومن مرهم طرقي بيآخـذ ضريبـه @ فنجال ٍ أشدى من خضاب الخوندات
والموقـده تشهـد بـراس القيبــه @ ومن طيبهم ماينزلـون الطمانـات
(والشمري) من طيب راسه وطيبـهبه @ ميزة ٍ عـدّت حـدود المـروات
لاثارت الفزعات .. لاتنتخـي بـه @ لأنه يثور من الطنا دون فزعـات
الله خلقهـم للمصيـبـه مصيـبـه @ وللنـار نـار وللمعالـي ريـادات
وللمـوت مـوت ولللهيبـه لهيبـه @ وللطيب طيب وللمراجـل سيـادات
لكن بهم حاجـه ولاهـي غريبـه @ يمكن يخون إبها الشعر والعبـارات
إليا بطشوا خلو المضارب عطيبـه @ وإليا عطوا مامـدوا إلا الجزيـلات
ما ارفع مكانتهـم بشعـر ٍ اجيبـه @ هم يرفعون حروف شعري مقامات
وآخر ما اقول بهالشعر وانتهي بـه @ بحطها بقوسين وأربع علامات !!!!
(الشمري ! عيبه ! وعيبه ! وعيبه !@ إليا ارتكى للحمل شال الثقيلات ) ..[/

تسلم ابن اختي والحمدلله على السلامة
هذا الرد على ابن جديلة وتقللي ناسين اهل السيال والشعفة وها ارجال الشعفة والسيال بالمقدمة ودمتم

الشمراني

مشكور على الاختيار والنقل

صح لسان شاعرها

دمتم بكل احترام