مساجلة شعرية من الدارمي

تجربة جديدة للشاعر اسماعيل الخلف صور من خلالها مساجلة من الشعر الشعبي "الدارمي " بينه وبين شباب المنتديات الثقافية الالكترونية ونقل لنا هذه المساجلة الافتراضية، طبعاً هو يقصد التوضيح للناس أهمية هذه المواقع في تنشيط المشهد الثقافي، وهذه الابيات القيت في فرع اتحاد الكتاب العرب بديرالزور في 1/2/2011


"إسماعيل" * كلك نظر يهواي ...تسلم حروفك / لو تعمى هاي وهاي ...والله ماعوفك.

"تيمة " * كل ماأكول انساك ...يرتعش جسمي / ترجف جميع عضاي يابعد رسمي.

"إسماعيل " * يمكن أشوفك طيف...يمكن تراويلي / أمشي الشتا والصيف ...لوتجي اقبالي.

"تيمة " * يحمل وفا والطيب ... والرِقة كلها/ وكل مشكلة بها الكون بس يما حلها .

" إسماعيل " * أدري الوفا طبعك ...والطيب والرِقة / ماصار أبد مثلك ...بالدير والرَقة.

"تيمة " * سلم ولو بالعين ...تكفي الإشارة / روحي ابتلت بهواك ...أنت ياجارة .

"إسماعيل " * نامت اعيون الناس ...بس عيني سهرانة / بيها دموع افراك ....والروح ولهانة